شرح الامثال في واقع الحال  

علي وعلى اعدائي                                                      تنظيم القاعدة

تيتي تيتي مثل ما رحتي جيتي                                        معاناة العراقيين  

ان اكرمت الكريم ملكته, وان اكرمت اللئيم تمردا                 الاردنيين

لا حظت برجيلها ولا خذت سيد علي                                جبهة التوافق

من تمشي تتعثر بيه .. ومن تريده ما تلكيه                          الشرطة

غراب يكل لغراب وجهك اسود                                     اتهامات بين اعضاء الحكومة

يركض والعشا خباز                                                  العراقي الشريف

المنحوس منحوس حتى لو حطوا براسة فانوس                  معاناة العراقيين مع الفيزا

بيدر الذهب هم يحتاج بيدر الدخن                                  احنا اهل النفط ... نستورد مشتقاته

جيب الليل .... وأخذ عتابه                                          اذا عندك معتقل اتريد تعرف وينه

حضٌر المعلف .... گبل الزٌمال                                      المعلف ما حضروه بس جابولنه زمايل  

الفكرلو فوك البعير يعضه الجلب                            عراقي راح لسفارة اللصومال ما حصل فيزا

ما لقو بالورد عيب قالو خده احمر                           الكهرباء تنتل مو زينه عليكم  

ابن عمة الخياطة اللي خيطت بدلت العروس              هذا حصل وظيفة من يم المسؤولين

أبن الحلال بذكره                                      الانفجارات   

أتعلّم الواوي على أكل الدجاج                     شوكت يعوفون الكراسي

أكل ومرعى وقلة صنعى                           البرلمان والوزارات

باب النجار مخلع                                     ناس تحجي بالدين ولا دين لهم

تمخض الجبل و ولد فار                            صرفوا مليارات والكهرباء بالقطارة

حجيك مطر صيف ميبلل أليمشون                 القمة العربية

خراعه خضره                                       رئيس الجمهورية

راح الاكو والماكو                                   العراق وثرواته

راح دمه هدر                                         الشعب العراقي

روحه بلا رده               سفر او موت وا انسحاب اي شخص من السياسيين العراقيين

شوفوني نجوم الضحى                             خطط امنية خمس نجوم

عامي شامي                                         رصاصات الجيش والشرطه

شتحط الها وتطيب؟                                الوضعية الامنية   

شعره من جلد خنزير                              الحصة التموينية  

شعيط معيط وجرار الخيط                        الحثلكية إلي يقررون مصير العراق  

الركعه زغيره، والشك جبير                      توحيد صفوف العراقيين

شكينا الدف، وبطلنا الغنا                           بعنا بيوتنا وسافرنه

الشمس ما تتغطى بالغرابيل                        يطلعون دعايات (يمضون ونبقى)

شن هل اللذة من هالفكر                           حواجز كونكريتية و فردي وزوجي

شوفته حزن، وفراكه عيد                         السيطرات مال علاسه

شافنا سود عباله هنود                             على ابو ديمقراطية وحرية

صار تاليها انكس من اولها                       والحمد لله

الصبر مفتاح الفرج                                حتى المفتاح مولس  

ضرطة بسوك الصفافير                           حقوق العراقيين

طرطميس لا جمعه ولا خميس                   الجامعه العربية

طماطه، ترهم على كل شي                تغيير التشكيلة الحكومية  مجرد مداورة اسماء

عادت المياه الى مجاريها                          وكل المجاري طايفه

علج المخبل ترس حلكه                            كل مسؤول شكد حاط حماية

عند البطون تعمى العيون                          من يلغفون كلها تغمض

غاب الكط ، العب يا فار                           والله دتلعب الجريدية

غاسل وجهه ببوله                                  مستشار الامن القومي  

فوك حكة دكه                                        يخطفون وياخذون فدية ويكتلون

كل لشه تتعلك من كراعينها                       الحكومة

الميعرف يركص يكول الكاع عوجة             تبرير سوء الاوضاع بوجود الارهاب

كومه حجار ولا هل الجار                         ايران

يشتري من عدّنا ثلج و يبيعلنا مّي بارد          كل الدول المجاورة

تالي الليل تسمع حس العياط                        الله يدري شضاميلنه بعد